തന്റെ നൂറാം ഐപിഎല് മത്സരം കളിക്കാനിറങ്ങിയ സുനില് നരൈനു അത്ര മികച്ചതല്ലാത്തൊരു ദിവസമാണ് ഇന്ന് കടന്ന് പോയത്. ബാറ്റ് ചെയ്യാന് വീണ്ടും ടോപോര്ഡറിലെത്തിയ താരം മിന്നും ഫോമിലായിരുന്നുവെങ്കിലും ഏറെ നേരം ക്രീസില് ചിലവഴിക്കാനായിരുന്നില്ല. 9 പന്തില് നിന്ന് 24 റണ്സ് നേടി പുറത്താകുകയായിരുന്നു. 3 സിക്സും ഒരു ഫോറുമായിരുന്നു താരം നേടിയത്. അരങ്ങേറ്റക്കാരന് വരുണ് ചക്രവര്ത്തിയുടെ ഓവറില് നിന്നാണ് 24 റണ്സും നരൈന് നേടിയത്.
ബൗളിംഗിനെത്തിയ താരത്തിനു എന്നാല് തന്റെ ക്വോട്ട പൂര്ത്തിയാക്കാനായില്ല. 2 ഓവര് എറിഞ്ഞ നരൈന് 26 റണ്സാണ് വഴങ്ങിയത്. ആദ്യ മത്സരത്തിലും താരത്തിനു ഓവര് മുഴുവനും എറിയാനായിരുന്നില്ല. എന്നാല് അന്ന് താരത്തിന്റെ കൈവിരലിനു പരിക്കേറ്റിരുന്നു.