പി എസ് ജി വിടുമെന്ന് സൂചനകൾ നൽകിയ ബ്രസീലിയൻ ഫോർവേഡ് നെയ്മർ ബാഴ്സലോണയിലേക്ക് അടുക്കുന്നതായി സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നു. ബാഴ്സലോണയ്ക്ക് നെയ്മറിനെ സ്വന്തമാക്കാൻ ആഗ്രഹമുണ്ട് എങ്കിലും നെയ്മർ ചില ഉപാധികൾ അംഗീകരിച്ചാൽ മാത്രമേ തിരിച്ചുവരവ് പരിഗണിക്കുകയുള്ളൂ എന്ന നിലപാടിലാണ് ബാഴ്സയുള്ളത്.
പ്രധാനമായും മൂന്ന് കാര്യങ്ങളാണ് ബാഴ്സലോണ നെയ്മറിനോട് ആവശ്യപ്പെടുന്നത്. ഒന്ന് നെയ്മറിന്റെ തുക 100 മില്യണായെങ്കിലും കുറയണം എന്നതാണ്. പിന്നെ ബാഴ്സലോണക്ക് എതിരായി നെയ്മർ നടത്തുന്ന നിയമനടപടികൾ പിൻവലിക്കണം, നെയ്മർ പൊതുവേദിയിലോ മാധ്യമങ്ങൾക്ക് മുന്നിലോ താൻ ബാഴ്സലോണയിലേക്ക് പോകാൻ ആഗ്രഹിക്കുന്നു എന്നത് വ്യക്തമാക്കണം, എന്നീ ഉപാധികൾ ആണ് ബാഴ്സലോണ മുന്നോട്ട് വെച്ചിരിക്കുന്നത്.
ഈ നിർദേശങ്ങളെല്ലാം നെയ്മർ അംഗീകരിച്ചതായും മാറ്റങ്ങൾ തുടങ്ങിയതായും സ്പാനിഷ് മാധ്യമങ്ങൾ റിപ്പോർട്ട് ചെയ്യുന്നു.