ലോക അത്ലറ്റിക് ചാമ്പ്യൻഷിപ്പിനിടെ പരിക്കേറ്റ ജാവലിൻ ത്രോ താരം നീരജ് ചോപ്ര ബർമിംഗ്ഹാമിൽ നടക്കാനിരിക്കുന്ന കോമൺവെൽത്ത് ഗെയിംസിൽ പങ്കെടുക്കില്ല. ഇത് സംബന്ധിച്ച് ഔദ്യോഗിക പ്രഖ്യാപനം ഇന്നു വന്നു. ഞായറാഴ്ച ഒറിഗോണിൽ 88.13 മീറ്റർ എറിഞ്ഞ് വെള്ളി മെഡൽ നേടിയ നീരജിന് ലോക ചാമ്പ്യൻഷിപ്പിലെ പ്രകടനത്തിനിടെ ആണ് പരിക്കേറ്റത്.
ഇതോടെ കോമൺവെൽത്ത് ഗെയിംസിലെ സ്വർണം നിലനിർത്താൻ നീരജിന് ആകാതെ പോകും. കഴിഞ്ഞ വർഷത്തെ ടോക്കിയോ ഗെയിംസിൽ സ്വർണം നേടിയ നീരജ് ഇന്ത്യയുടെ വലിയ പ്രതീക്ഷ ആയിരുന്നു.