ദേശീയ ഗെയിംസ് 2022ൽ കേരളം ആദ്യ മെഡൽ ഉറപ്പിച്ചു. ഫെൻസിംഗിൽ ആണ് ആദ്യ മെഡൽ ഉറപ്പായത്. വനിതകളുടെ ഫെൻസിങ് വിഭാഗത്തിൽ ജോസ്ന ക്രിസ്റ്റി ജോസ് ആണ് കേരളത്തിന്റെ അഭിമാനമായത്. ഇന്ന് ജോസ്ന സെമി ഉറപ്പിച്ചു. ക്വാർട്ടറിൽ തമിഴ്നാടിന്റെ ബെനിക് കൂബയെ ആണ് തോൽപ്പിച്ചത്.
15- 0 എന്നായിരുന്നു സ്കോർ. ഇതോടെ വെങ്കല മെഡൽ എങ്കിലും ഉറപ്പായി. ജോസ്ന ഇനി ഫൈനലിൽ എത്താനാകും ശ്രമിക്കുക. സെമിയിൽ തമിഴ്നാടിന്റെ ഒളിമ്പ്യൻ ഭവാനി ദേവി ആകും ജോസ്നയുടെ എതിരാളി. പ്രീക്വാർട്ടറിൽ പഞ്ചാബിനെയും ജോസ്ന തോൽപ്പിച്ചിരുന്നു. തലശ്ശേരി സായിയിൽ ആണ് ജോസ്ന പരിശീലനം നടത്തുന്നത്.