ജർമ്മൻ ക്ലബ് ബയേർ ലെവർകുസന്റെ ഫ്രഞ്ച് മുന്നേറ്റനിര താരം മൂസ ദിയാബിയെ ആഴ്സണൽ സ്വന്തമാക്കാൻ സാധ്യത എന്നു റിപ്പോർട്ടുകൾ. ഫ്രഞ്ച് മാധ്യമങ്ങൾ ആണ് മുൻ പി.എസ്.ജി അക്കാദമി താരത്തിനു ആയി ആഴ്സണൽ രംഗത്ത് എന്ന വാർത്ത റിപ്പോർട്ട് ചെയ്തത്. നിലവിൽ താരത്തിന് ആയി ശ്രമിക്കുന്ന ന്യൂകാസ്റ്റിൽ യുണൈറ്റഡിനെക്കാൾ താരം താൽപ്പര്യം കാണിക്കുന്നത് ആഴ്സണലിൽ വരാൻ എന്നാണ് റിപ്പോർട്ട്.
23 കാരനായ താരത്തിന് കഴിഞ്ഞ സീസണിൽ ആഴ്സണൽ മികച്ച ഓഫർ മുന്നോട്ട് വച്ചത് ആയിരുന്നു എന്നും റിപ്പോർട്ട് പറയുന്നു. താരത്തിന് ആയി ദീർഘകാലം പിറകിൽ ഉള്ള ന്യൂകാസ്റ്റിൽ യുണൈറ്റഡിനെക്കാൾ നിലവിൽ താരത്തെ സ്വന്തമാക്കാൻ ആഴ്സണലിന് ആണ് സാധ്യത എന്നാണ് റിപ്പോർട്ട്. മുന്നേറ്റത്തിൽ താരത്തിന്റെ സാന്നിധ്യം ചാമ്പ്യൻസ് ലീഗ് അടക്കം കളിക്കേണ്ട ടീമിന് കരുത്ത് ആവും എന്നാണ് ആഴ്സണലിന്റെ ചിന്ത. നിലവിൽ റൈസ്, ഹാവർട്സ് എന്നിവരെ സ്വന്തമാക്കുക ആണ് ആഴ്സണലിന്റെ പ്രഥമ പരിഗണന.