ഓസ്ട്രേലിയൻ ഡിഫൻഡറായ ആരോൺ മൂയിക്ക് ഏഷ്യാ കപ്പ് നഷ്ടമാകും എന്ന് ഉറപ്പായി. ഇംഗ്ലീഷ് പ്രീമിയയർ ലീഗ് ക്ലബായ ഹഡേഴ്സ് ഫീൽഡിന്റെ താരമായ മൂയിക്ക് ഈ മാസ തുടക്കത്തിൽ പരിക്കേറ്റിരുന്നു. എങ്കിലും താരം ഏഷ്യാ കപ്പിനേക്ക് തിരിച്ച് എത്തുമെന്നാണ് കരുതിയത്. പക്ഷെ മൂയി ഫിറ്റ് ആവാൻ ഏഷ്യാ കപ്പിന്റെ ക്വാർട്ടർ ഫൈനൽ വരെ എങ്കിലും ആകും എന്ന് ഓസ്ട്രേലിയൻ ടീം അറിയിച്ചും അതുകൊണ്ട് തന്നെ മൂയിയെ യു എ ഇയിലെ ടീമിൽ ഉൾപ്പെടുത്തുന്നില്ല എന്നും പകരം ഫിറ്റായ താരങ്ങളെ കൊണ്ടു പോകും എന്നു ഓസ്ട്രേലിയൻ പരിശീലകൻ പറഞ്ന്നു.
വലതു കാൽമുട്ടിനാണ് പരിക്കേറ്റിരിക്കുന്നത്. താരം നീണ്ട കാലം പുറത്തിരിക്കേണ്ടി വരുമെന്ന് നേരത്തെ തന്നെ ഹഡേഴ്സ്ഫീൽഡ് ക്ലബ് അറിയിച്ചിരുന്നു. ഏഷ്യാ കപ്പ് നിലനിർത്താൻ ഒരുങ്ങുന്ന ഓസ്ട്രേലിയക്ക് മൂയിയുടെ മാത്രമല്ല അർസാനിയുടെയും സേവനം നഷ്ടമാകും. കെൽറ്റിക്ക് താരമായ അർസാനിയും ദീർഘകാലത്തേക്ക് കളത്തിന് പുറത്താണ്.
സിറിയ, ജോർദാൻ, പലസ്തീൻ എന്നീ രാജ്യങ്ങൾക്ക് ഒപ്പം ഗ്രൂപ്പ് ബിയിലാണ് ഓസ്ട്രേലിയ ഇറങ്ങേണ്ടത്.