ഐ ലീഗിൽ ഇന്ന് നടന്ന മൊഹമ്മദൻസും ശ്രീനിധി ഡെക്കാനും തമ്മിലുള്ള മത്സരം ഈ സീസൺ ഐ ലീഗിലെ തന്നെ ഏറ്റവും മികച്ച മത്സരമാകും. 10 ഗോൾ പിറന്ന ത്രില്ലറിൽ 6-4 എന്ന സ്കോറിന് മൊഹമ്മദൻസ് വിജയിച്ചു. മൊഹമ്മദൻസ് പരിശീലകനായ മെഹ്റാജുദ്ദീൻ വാദുവിന്റെ ആദ്യ മത്സരമായിരുന്നു ഇത്. ശ്രീനിധി ഡെക്കാന് ഈ പരാജയം അവരുടെ കിരീട പോരാട്ടത്തിൽ വലിയ തിരിച്ചടിയാണ്.
ഇന്ന് രണ്ടാം മിനുട്ടിൽ തന്നെ ഗോളടി തുടങ്ങി. 2ആം മിനുട്ടിൽ കീൻ ലൂയിസിലൂടെ ആണ് മൊഹമ്മദൻസ് ലീഡ് എടുത്തത്. ഇതിന് തൊട്ടടുത്ത മിനുട്ടിൽ ശ്രീനിധി റിൾവാൻ ഹസനിലൂടെ മറുപടി നൽകി. 21ആം മിനുട്ടിൽ ദൗദയിലൂടെ വീണ്ടും മൊഹമ്മദൻസിന് ലീഡ്. 28ആം മിനുട്ടിൽ കാസ്റ്റനെഡ പെനാൾട്ടിയിലൂടെ സ്കോർ വീണ്ടും ലെവലാക്കി. സ്കോർ 2-2.
30ആം മിനുട്ടിൽ ദൗദയുടെ രണ്ടാം ഗോൾ. മൊഹമ്മദൻസ് 3-2ന് മുന്നിൽ. രണ്ടാം പകുതിയുടെ തുടക്കത്തിൽ ഫൈസിലൂടെ കൊൽക്കത്തൻ ക്ലബ് ലീഡ് 4-2ആക്കി. 67ആം മിനിട്ടിൽ വീണ്ടും കീൻ ലൂയിസിന്റെ ഗോൾ. 5-2. പിന്നെ സ്റ്റൊഹാനിചും കൂടെ മൊഹമ്മദൻസിനായൊ ഗോൾ നേടി. ശ്രീനിധി അവസാനം രണ്ട് ഗോളുകൾ കൂടെ നേടിയെങ്കിലും ഫലം മൊഹമ്മദൻസിന് അനുകൂലമായി നിന്നു.
പരാജയപ്പെട്ട ശ്രീനിധി 40 പോയിന്റുമായി ഒന്നാമത് നിൽക്കുകയാണ്. ഒരു മത്സരം കുറവ് കളിച്ച പഞ്ചാബിനും 40 പോയിന്റ് ഉണ്ട്.