സിഡ്നി സിക്സേര്സിനെതിരെ മെല്ബേണ് റെനഗേഡ്സിനു 7 വിക്കറ്റ് വിജയം. ഇന്ന് നടന്ന മത്സരത്തില് ആദ്യം ബാറ്റ് ചെയ്ത സിഡ്നി സിക്സേര്സിനെ 115/9 എന്ന നിലയില് പിടിച്ചുകെട്ടിയ റെനഗേഡ്സ് 13 ഓവറില് 3 വിക്കറ്റ് നഷ്ടത്തില് ലക്ഷ്യം മറികടക്കുകയായിരുന്നു. ബൗളിംഗില് മുഹമ്മദ് നബിയും കെയിന് റിച്ചാര്ഡ്സണും തകര്ത്തെറിഞ്ഞപ്പോള് 20 ഓവറില് നിന്ന് 9 വിക്കറ്റ് നഷ്ടത്തില് 115 റണ്സാണ് സിക്സേര്സിനു നേടാനായത്. 30 പന്തില് നിന്ന് 44 റണ്സ് നേടിയ ടോം കറനാണ് സിക്സേര്സിന്റെ ടോപ് സ്കോറര്.
ടോം കൂപ്പര്(49), സാം ഹാര്പ്പര്(31) എന്നിവരുടെ ബാറ്റിംഗ് പ്രകടനത്തിലാണ് റെനഗേഡ്സ് അനായാസ ജയം കരസ്ഥമാക്കിയത്. സിക്സേര്സിനു വേണ്ടി സ്റ്റീവ് ഒക്കെഫേ രണ്ട് വിക്കറ്റ് നേടി.