കേരള ബ്ലാസ്റ്റേഴ്സിന് അവരുടെ രണ്ട് പ്രധാന താരങ്ങളെ തിരികെ ലഭിക്കുകയാണ്. അവരുടെ ഡിഫൻസിലെ പ്രധാനികളായ മിലോസും പ്രബീർ ദാസും സസ്പെൻഷൻ മാറി തിരികെയെത്തി. അവസാന മൂന്ന് മത്സരങ്ങൾ ആയി ഇരുവരും സസ്പെൻഷനിൽ ആയിരുന്നു. താൻ തിരികെയെത്തി എന്നും ആരാധകർക്ക് മുന്നിൽ കളിക്കാൻ ഇറങ്ങാൻ കാത്തിരിക്കുകയാണെന്നും സെന്റർ ബാക്കായ മിലോ ഡ്രിഞ്ചിച് പറഞ്ഞു.
മുംബൈ സിറ്റിക്ക് എതിരായ മത്സരത്തിന്റെ അവസാന നിമിഷങ്ങളിൽ മിലോസ് ചുവപ്പ് കാർഡ് കണ്ടിരുന്നു. നേരിട്ടുള്ള ചുവപ്പ് കാർഡ് ആയതു കൊണ്ട് മൂന്ന് മത്സരങ്ങളിൽ താരത്തെ വിലക്കാൻ എ ഐ എഫ് എഫ് അച്ചടക്ക കമ്മിറ്റി അന്ന് തീരുമാനിച്ചത്. അതേ മത്സരത്തിലെ ഒരു സംഭവത്തിനാണ് പ്രബീർ ദാസിനും വിലക്ക് കിട്ടിയത്. ഇരുവരും ബ്ലാസ്റ്റേഴ്സിന്റെ അവസാന മൂന്ന് മത്സരങ്ങളിൽ ഉണ്ടായിരുന്നില്ല.
നോർത്ത് ഈസ്റ്റ് യുണൈറ്റഡ്, ഒഡീഷ എഫ് സി, ഈസ്റ്റ് ബംഗാൾ എന്നിവർക്ക് എതിരായ മത്സരങ്ങൾ ആണ് അവർക്ക് നഷ്ടനായത്. ഇനി ബ്ലാസ്റ്റേഴ്സ് ശനിയാഴ്ച കൊച്ചിയിൽ വെച്ച് ഹൈദരാബാദിനെ ആണ് നേരിടുന്നത്.