മാൻ ഓഫ് ദി മാച്ച് മലയാളി ഫിസിയോ മനു പ്രസാദിന് സമർപ്പിച്ച് മികു

ഇന്ന് ബഗാനെ തോൽപ്പിച്ച് ബെംഗളൂരു സൂപ്പർ ഫൈനലിലേക്ക് കടന്നപ്പോൾ താരമായത് മികു ആയിരുന്നു. 10 താരങ്ങളുമായി 40 മിനുട്ട് കളിക്കേണ്ടി വന്ന ബെംഗളൂരുവിനെ ഹാട്രിക്ക് നേടിയാണ് മിക്കു ഇന്ന് രക്ഷിച്ചത്. കളി ജയിപ്പിച്ച് മാൻ ഓഫ് ദി മാച്ചായ മിക്കു പക്ഷെ ആ അവാർഡ് സ്വീകരിക്കാൻ പറഞ്ഞയച്ചത് ഒരു മലയാളിയെ. മനു പ്രസാദ് എന്ന കോട്ടയംകാരനാണ് മിക്കുവിനായി ഇന്ന് അവാർഡ് കൈപറ്റിയത്.

മികു തന്റെ ഫിസിയോ തെറാപിസ്റ്റായ മനു പ്രസാദിനോടുള്ള ആദരവ് കാണിക്കുകയായിരുന്നു. ഐ എസ് എൽ തുടക്കം മുതൽ സൂപ്പർ കപ്പ് വരെയുള്ള മത്സരങ്ങൾ വരെ തന്നെ പരിക്കിൽ നിന്നൊക്കെ രക്ഷിച്ച് ഫിറ്റായി നിർത്തിയതിൽ മനു പ്രസാദിനുള്ള പങ്കിനെയാണ് മിക്കു ഈ മാൻ ഓഫ് ദി മാച്ച് അവാർഡിലൂടെ ബഹുമാനിച്ചത്.

ഈ ചെറിയ സമയത്തിനിടയിൽ ഇത്രയും മത്സരങ്ങൾ കളിച്ചിട്ടും മികച്ച കായികക്ഷമത നിലനിർത്താൻ കഴിഞ്ഞത് മനുപ്രസാദിന്റെ മികവ് കൊണ്ടാണെന്ന് മിക്കു മത്സരശേഷം പറഞ്ഞു. കോട്ടയം പാല സ്വദേശിയാണ് മനു പ്രസാദ്.

കൂടുതൽ കായിക വാർത്തകൾക്ക് : www.facebook.com/FanportOfficial

Previous articleഷമിയെ ടീമിലെടുത്തതിനു വിശദീകരണവുമായി ഡല്‍ഹി സിഇഒ
Next articleമുംബൈയെ ബാറ്റിംഗനയയ്ച്ച കോഹ്‍ലി, ബാംഗ്ലൂര്‍ നിരയില്‍ മൂന്ന് മാറ്റം