അന്താരാഷ്ട്ര കരിയറിൽ ഏറ്റവും കൂടുതൽ ഗോൾ നേടുന്ന മൂന്നാമത്തെ താരമായി അർജന്റീനയുടെ ലയണൽ മെസ്സി. ജമൈക്കക്ക് എതിരെ പകരക്കാരനായി ഇരട്ടഗോളുകൾ നേടിയ മെസ്സി ഇതോടെ അന്താരാഷ്ട്ര കരിയറിൽ 90 ഗോളുകൾ നേടി. ഇതോടെ അന്താരാഷ്ട്ര കരിയറിൽ 89 ഗോളുകൾ നേടിയ മലേഷ്യൻ താരം മുഖ്താർ ദാഹരിയുടെ റെക്കോർഡ് മെസ്സി മറികടന്നു.
മികച്ച ഒരു ഫ്രീകിക്കിലൂടെയാണ് മെസ്സി തന്റെ 90 മത്തെ ഗോൾ കണ്ടത്തിയത്. കഴിഞ്ഞ മത്സരത്തിലും ഇരട്ടഗോളുകൾ നേടിയ മെസ്സി ഇത്തവണയും ഇരട്ടഗോളുകൾ കണ്ടത്തി. നിലവിൽ അന്താരാഷ്ട്ര കരിയറിൽ 117 ഗോളുകൾ നേടിയ പോർച്ചുഗലിന്റെ ക്രിസ്റ്റിയാനോ റൊണാൾഡോ, 109 ഗോളുകൾ നേടിയ ഇറാന്റെ അലി ദെയി എന്നിവർ മാത്രം ആണ് മെസ്സിക്ക് മുന്നിലുള്ളവർ. 2005 ൽ അരങ്ങേറ്റം കുറിച്ച മെസ്സി 164 മത്സരങ്ങളിൽ നിന്നാണ് 90 ഗോളുകൾ നേടിയത്. അർജന്റീന ദേശീയ ടീമിന് ഒപ്പം മെസ്സിയുടെ നൂറാം ജയം കൂടിയാണ് ഈ ജയം.