കാമറൂണ് ബോയസ് ഓള്റൗണ്ട് പ്രകടനം പുറത്തെടുത്ത മത്സരത്തില് സിഡ്നി തണ്ടറിനെതിരെ 27 റണ്സ് വിജയവുമായി മെല്ബേണ് റെനഗേഡ്സ്. ഇന്നലെ നടന്ന മത്സരത്തില് ബോയസ് 22 പന്തില് നിന്ന് 51 റണ്സും ബൗളിംഗില് രണ്ട് വിക്കറ്റും നേടിയാണ് തിളങ്ങിയത്. 5 സിക്സും 4 ബൗണ്ടറിയും ഉള്പ്പെടെയുള്ള കാമറൂണ് ബോയസിന്റെ വെടിക്കെട്ട് പ്രകടനത്തിന്റെ ബലത്തില് 7 വിക്കറ്റ് നഷ്ടത്തില് 140 റണ്സാണ് റെനഗേഡ്സ് നേടിയത്. മുഹമ്മദ് നബിയാണ് 36 റണ്സുമായി തിളങ്ങിയ മറ്റൊരു റെനഗേഡ്സ് താരം. തണ്ടറിനു വേണ്ടി ജോനാഥന് കുക്ക്, ക്രിസ് ജോര്ദ്ദാന്, ഫവദ് അഹമ്മദ് എന്നിവര് രണ്ട് വീതം വിക്കറ്റ് നേടി.
കെയിന് റിച്ചാര്ഡ്സണ് മൂന്നും കാമറൂണ് ബോയസ് രണ്ടും വിക്കറ്റ് നേടിയപ്പോള് സിഡ്നി തണ്ടറിന്റെ ഇന്നിംഗ്സ് 19.1 ഓവറില് 113 റണ്സിനു അവസാനിക്കുകയായിരുന്നു. 37 റണ്സ് നേടി ബാക്സ്റ്റര് ജെ ഹോള്ട്ടും 28 റണ്സ് നേടിയ കാല്ലം ഫെര്ഗൂസണും ആണ് സിഡ്നി തണ്ടര് നിരയില് ബാറ്റിംഗില് തിളങ്ങിയത്.