ഓസ്ട്രേലിയന് ഓള്റൗണ്ടര്മാരായ ഗ്ലെന് മാക്സ്വെല്ലിനോടും മിച്ചൽ മാര്ഷിനോടും ഇംഗ്ലണ്ടിലെ ദി ഹണ്ട്രെഡിൽ നിന്ന് പിന്മാറുവാന് ആവശ്യപ്പെട്ട് ക്രിക്കറ്റ് ഓസ്ട്രേലിയ. ട്രെവര് ബെയിലിസിന് കീഴിൽ ലണ്ടന് സ്പിരിറ്റിലായിരുന്നു ഇരുവരും കളിക്കാനിരുന്നത്. US$160,000 ന്റെ കരാറിലാണ് ഇരു താരങ്ങളെയും ഫ്രാഞ്ചൈസി സ്വന്തമാക്കിയത്.
ഇന്ത്യയിലെ ഏകദിന ലോകകപ്പും 2024 ടി20 ലോകകപ്പും വരാനിരിക്കുന്ന സാഹചര്യത്തിൽ വര്ക്ക്ലോഡ് മാനേജ്മെന്റിന്റെ ഭാഗമായുള്ള തീരുമാനം ആണ് ഇതെന്നാണ് ലഭിയ്ക്കുന്ന വിവരം. ഇരു താരങ്ങളും ബോര്ഡിന്റെ ഈ തീരുമാനത്തോട് സഹകരിക്കുകയാണെന്നും അവരോട് ചര്ച്ച ചെയ്ത ശേഷമാണ് ഇതിലേക്ക് എത്തിയതെന്നും ഓസ്ട്രേലിയന് ക്രിക്കറ്റ് ബോര്ഡ് വക്താവ് വ്യക്തമാക്കി.