പാക്കിസ്ഥാനെതിരെ 8 വിക്കറ്റ് വിജയം നേടി ഇന്ത്യ. 99 റൺസിന് എതിരാളികളെ എറിഞ്ഞൊതുക്കിയ ശേഷം ഇന്ത്യ 11.4 ഓവറിൽ വിജയം കരസ്ഥമാക്കുകയായിരുന്നു. സ്മൃതി മന്ഥാന പുറത്താകാതെ 63 റൺസ് നേടിയാണ് ഇന്ത്യയുടെ വിജയം സാധ്യമാക്കിയത്.
ഷഫാലി വര്മ്മ(16), ഷബിനേനി മേഘന(14) എന്നിവരുടെ വിക്കറ്റുകള് ഇന്ത്യയ്ക്ക് നഷ്ടമായത്. മത്സരത്തിൽ ഒരു ഘട്ടത്തിലും ഇന്ത്യയ്ക്ക് വെല്ലുവിളി ഉയര്ത്തുവാന് പാക്കിസ്ഥാന് സാധിച്ചിരുന്നില്ല.
ആദ്യ വിക്കറ്റ് നഷ്ടമാകുമ്പോളേക്കും ഇന്ത്യ 5.5 ഓവറിൽ 61 റൺസ് നേടിയിരുന്നു. ഇതിൽ ഷഫാലി നേടിയത് വെറും 16 റൺസായിരുന്നു. സ്മൃതി 8 ഫോറും മൂന്ന് സിക്സും തന്റെ ഇന്നിംഗ്സിൽ നേടി.