ഫ്രഞ്ച് ക്ലബ്ബ് ഒളിമ്പിക് ലിയോണിന്റെ 21 വയസ്സുകാരനായ അറ്റാക്കിംഗ് മിഡ്ഫീൽഡർ റയാൻ ഷെർക്കിയെ സൈൻ ചെയ്യാനായി മാഞ്ചസ്റ്റർ സിറ്റി ചർച്ചകൾ ആരംഭിച്ചതായി ട്രാൻസ്ഫർ വിദഗ്ദ്ധൻ ഫാബ്രിസിയോ റൊമാനോ റിപ്പോർട്ട് ചെയ്യുന്നു. അടുത്തിടെ ഫ്രാൻസ് സീനിയർ ടീമിലേക്ക് ആദ്യമായി വിളി ലഭിച്ച ഷെർക്കി, ഈ വേനൽക്കാലത്ത് ലിയോൺ വിടാൻ താൻ ഉദ്ദേശിക്കുന്നതായി സ്ഥിരീകരിച്ചിട്ടുണ്ട്.
2024-25 സീസണിൽ 12 ഗോളുകളും 20 അസിസ്റ്റുകളും സഹിതം മികച്ച പ്രകടനമാണ് ഷെർക്കി കാഴ്ചവെച്ചത്. യുവേഫ യൂറോപ്പ ലീഗിൽ എട്ട് അസിസ്റ്റുകൾ നേടിയ അദ്ദേഹം യൂറോപ്പിലെ ഏറ്റവും കൂടുതൽ ദിമാന്ദുള്ള യുവതാരങ്ങളിൽ ഒരാളായി മാറി.
പ്രീമിയർ ലീഗ് വമ്പൻമാരായ മാഞ്ചസ്റ്റർ യുണൈറ്റഡ്, ലിവർപൂൾ, ടോട്ടൻഹാം ഹോട്ട്സ്പർ എന്നിവരും താരത്തിൽ താൽപ്പര്യം കാണിച്ചിട്ടുണ്ടെങ്കിലും, സിറ്റി മുന്നിട്ട് നിൽക്കുന്നതായാണ് സൂചന.
പെപ് ഗ്വാർഡിയോളയുടെ ടീം ഡി ബ്രുയിനെക്ക് പകരക്കാരനെ തേടുകയാണ് ഇപ്പോൾ.