ഫ്രഞ്ച് ക്ലബ്ബ് ലിയോണുമായുള്ള കരാർ പുതുകില്ലെന്ന് പരിശീലകൻ ബ്രൂണോ ഗനേസിയോ. ഇതോടെ ഈ സീസൺ അവസാനത്തോടെ അദ്ദേഹം ക്ലബ്ബ് വിടുമെന്ന് ഉറപ്പായി. ലിയോണുമായി 2 വർഷത്തെ കരാർ അദ്ദേഹം ഒപ്പിടുമെന്ന് പ്രതീക്ഷിച്ചിരുന്നെങ്കിലും സമീപകാലത്ത് ടീമിന്റെ മോശം ഫോം കാരണം ക്ലബ്ബ് തീരുമാനം മാറ്റുകയായിരുന്നു എന്നാണ് റിപ്പോർട്ടുകൾ.
ഗനേസിയോ തുടരില്ലെന്ന് ഉറപ്പായതോടെ സൂപ്പർ പരിശീലകൻ ജോസ് മൗറീഞ്ഞോ ലിയോണിന്റെ പരിശീലകനായി എത്തും എന്ന അഭ്യുഹങ്ങൾ സജീവമായി. ഫ്രഞ്ച് ലീഗിൽ പി എസ് ജി തുടരുന്ന ആധിപത്യം തകർക്കാൻ മൗറീഞ്ഞോക് വേണ്ടി എന്ത് വിട്ട് വീഴ്ചകളും ചെയ്യാൻ ലിയോണിന്റെ മാനേജ്മെന്റ് തയ്യാറാണെന്ന് റിപ്പോർട്ടുകളുണ്ട്.