കരിയറിൽ തന്റെ 40 മത്തെ ഡബ്യു.ടി.എ ഫൈനലിലേക്ക് മുന്നേറി ചെക് റിപ്പബ്ലിക് താരം പെട്ര ക്വിറ്റോവ.
കരിയറിൽ തന്റെ 40 മത്തെ ഡബ്യു.ടി.എ ഫൈനലിലേക്ക് മുന്നേറി ചെക് റിപ്പബ്ലിക് താരം പെട്ര ക്വിറ്റോവ. കരിയറിൽ ആദ്യമായി സിൻസിനാറ്റി ഓപ്പൺ ഫൈനലിൽ എത്തിയ ക്വിറ്റോവക്ക് ഇത് പന്ത്രണ്ടാം ഡബ്യു.ടി.എ 1000 ഫൈനൽ കൂടിയാണ്. ഫൈനലിൽ അമേരിക്കൻ താരം മാഡിസൺ കീയ്സിനെ ആണ് പെട്ര ക്വിറ്റോവ തോൽപ്പിച്ചത്.
ആദ്യ സെറ്റ് ടൈബ്രൈക്കറിൽ നഷ്ടമായെങ്കിലും രണ്ടും മൂന്നും സെറ്റുകൾ 6-4, 6-3 എന്ന സ്കോറിന് ക്വിറ്റോവ നേടുകയായിരുന്നു. മത്സരത്തിൽ 10 സർവീസ് ഇരട്ടപ്പിഴവുകൾ വരുത്തി 2 തവണ ബ്രൈക്ക് വഴങ്ങിയ ക്വിറ്റോവ എതിരാളിയെ 5 തവണയാണ് ബ്രൈക്ക് ചെയ്തത്.
ഫൈനലിൽ യോഗ്യത റൗണ്ട് കളിച്ചു ടൂർണമെന്റിൽ എത്തിയ ഫ്രഞ്ച് താരം കരോളിന ഗാർസിയ ആണ് ക്വിറ്റോവയുടെ എതിരാളി. സെമിയിൽ ആറാം സീഡ് ആര്യാന സബലങ്കയെ അട്ടിമറിച്ച കരോളിനക്ക് ഇത് പന്ത്രണ്ടാം ഡബ്യു.ടി.എ ഫൈനലും മൂന്നാം ഡബ്യു.ടി.എ 1000 ഫൈനലും ആണ്. 2017 നു ശേഷം ആദ്യമായി ആണ് ഫ്രഞ്ച് താരം ഡബ്യു.ടി.എ 1000 ഫൈനലിൽ എത്തുന്നത്.
6-2, 4-6, 6-1 എന്ന സ്കോറിന് മൂന്നു സെറ്റ് പോരാട്ടത്തിന് ഒടുവിൽ ആയിരുന്നു കരോളിന ഗാർസിയയുടെ ജയം. 8 ഏസുകൾ ഉതിർത്ത ഫ്രഞ്ച് താരം 6 തവണ സബലങ്കയെ ബ്രൈക്ക് ചെയ്യുകയും ചെയ്തു.
Story Highlight : Petra Kvitova will face Caroline Garcia in Cincinnati open final.