ജോസ് ബട്ലറുടെ പുറത്താക്കലാണ് കിംഗ്സ് ഇലവന് പഞ്ചാബിനെ മത്സരത്തിലേക്ക് തിരികെ കൊണ്ടുവന്നതെങ്കിലും ബാക്കി താരങ്ങളാരും തന്നെ തങ്ങളുടെ ദൗത്യം പുലര്ത്താതിരുന്നതാണ് കളി കൈവിടുവാന് കാരണമെന്നേ പറയാന് തരമുള്ളു. ബട്ലറുടെ പുറത്താകല് വിവാദമായിരുന്നുവെങ്കിലും അത് നിയമാനുസൃതം മാത്രമാണമെന്നാണ് ഒരു വിഭാഗം വാദിക്കുന്നത്. എന്നാല് അത് സ്പോര്ട്സ്മാന് സ്പിരിറ്റിനു ചേര്ന്നതല്ലെന്നാണ് മറു വിഭാഗത്തിന്റെ വാദം.
വാദവും വിവാദവും എന്ത് തന്നെയായാലും ഇന്ന് സ്വന്തമാക്കിയ കിംഗ്സ് ഇലവന് പഞ്ചാബിന്റെ ജയം അവര് ചരിത്രത്തില് ആദ്യമായി രാജസ്ഥാന് റോയല്സിനെതിരെ ജയ്പൂരില് നേടിയ വിജയമാണ്. 24 പന്തില് 39 റണ്സ് എന്ന നിലയില് സ്മിത്തും സഞ്ജുവും കളത്തില് നിന്നപ്പോള് രാജസ്ഥാനു പ്രതീക്ഷയുണ്ടായിരുന്നുവെങ്കിലും പിന്നീട് ടീം ചീട്ട് കൊട്ടാരം പോലെ തകരുകയായിരുന്നു.