വനിത സീനിയര് ഏകദിന ട്രോഫിയില് കേരളത്തിന് രണ്ടാമത്തെ തോല്വി. ഇന്ന് നടന്ന മത്സരത്തില് മധ്യ പ്രദേശ് കേരളത്തിനെതിരെ 98 റണ്സ് വിജയം ആണ് നേടിയത്. മധ്യ പ്രദേശിനെ കേരളം 203/9 എന്ന സ്കോറിന് ഒതുക്കിയെങ്കിലും മറുപടി ബാറ്റിംഗിനിറങ്ങിയ കേരളത്തിന് 9 വിക്കറ്റ് നഷ്ടത്തില് 44 ഓവറില് നിന്ന് 97 റണ്സ് മാത്രമേ നേടാനായുള്ളു. മഴ കാരണം കേരളത്തിന്റെ ഇന്നിംഗ്സ് 44 ഓവറാക്കി ചുരുക്കുകയായിരുന്നു.
30 റണ്സ് നേടിയ മിന്നു മണിയാണ് കേരളത്തിന്റെ ടോപ് സ്കോറര്. ഷാനി(14), ഭൂമിക(11) എന്നിവരാണ് രണ്ടക്ക സ്കോറിലേക്ക് എത്തിയ മറ്റു താരങ്ങള്. മധ്യ പ്രദേശിന് വേണ്ടി അഞ്ച് വിക്കറ്റുമായി വര്ഷയാണ് തിളങ്ങിയത്. ടൂര്ണ്ണമെന്റിലെ ആദ്യ മത്സരത്തില് കേരളം ബറോഡയോട് പരാജയം ഏറ്റു വാങ്ങിയിരുന്നു. പിന്നീട് മുംബൈയെയും പഞ്ചാബിനെയും പരാജയപ്പെടുത്തിയാണ് കേരളം ഇന്നത്തെ മത്സരത്തിനെത്തിയത്. നാഗലാണ്ടുമായുള്ള മത്സരം ആണ് പ്ലേറ്റ് ഡി യില് കേരളത്തിന് ഇനി അവശേഷിക്കന്നത്.