വിനൂ മങ്കഡ് ട്രോഫിയിൽ ആദ്യ തോല്വിയേറ്റ് വാങ്ങി കേരളം. ഹരിയാനയ്ക്കെതിരെ 55 റൺസിന്റെ പരാജയം ആണ് ടീം ഇന്ന് ഏറ്റുവാങ്ങിയത്. 295/7 എന്ന് സ്കോറാണ് ആദ്യം ബാറ്റ് ചെയ്ത ഹരിയാന നേടിയത്. അഹാന് പോഡ്ഡര്(84), ദിനേഷ് ബാന(70*) എന്നിവര്ക്കൊപ്പം നിഷാന്ത് സിന്ധു(44), അരുൺ കുമാര്(39) എന്നിവരാണ് ഹരിയാനയ്ക്കായി റൺസ് കണ്ടെത്തിയത്. കേരളത്തിനായി മോഹിത് ഷിബു മൂന്ന് വിക്കറ്റ് നേടി.
മറുപടി ബാറ്റിംഗിനിറങ്ങിയ കേരളത്തിനായി വരുൺ നായനാരും(60), ഷൗൺ റോജറും(58) അര്ദ്ധ ശതകങ്ങള് നേടിയെങ്കിലും മറ്റു താരങ്ങള്ക്ക് കാര്യമായ സംഭാവനകള് നല്കാന് കഴിയാതെ പോയപ്പോള് കേരളം 49.2 ഓവറിൽ 240 റൺസിന് ഓള്ഔട്ട് ആയി. ഹരിയാനയ്ക്കായി നിഷാന്ത് സിന്ധു മൂന്നും വിവേക് കുമാര്, അനുജ് താക്രൽ, അര്മാന് ജാക്കര് എന്നിവര് രണ്ട് വീതം വിക്കറ്റും നേടി.