രണ്ടാം പകുതിയിൽ റോയ് കൃഷ്ണ നേടിയ ഇരട്ട ഗോളുകളുടെ പിൻബലത്തിൽ കേരള ബ്ലാസ്റ്റേഴ്സിനെതിരെ ഒഡിഷ എഫ് സിക്ക് ജയം. ആദ്യ പകുതിയിൽ ഒരു ഗോളിന് മുന്നിട്ട് നിന്നതിന് ശേഷമാണ് കേരള ബ്ലാസ്റ്റേഴ്സ് മത്സരത്തിൽ തോൽവിയേറ്റുവാങ്ങിയത്.
ഇന്ന് ജയിച്ചാൽ ലീഗ് ടേബിളിൽ ഒന്നാം സ്ഥാനത്ത് എത്താനുള്ള അവസരമാണ് കേരള ബ്ലാസ്റ്റേഴ്സ് നഷ്ട്ടപെടുത്തിയത്. നിഹാലിന്റെ അസ്സിസ്റ്റിൽ നിന്ന് ഡിമിട്രിയോസ് ഡയമൻ്റകോസ് ആണ് മത്സരത്തിന്റെ പതിനൊന്നാം മിനുട്ടിൽ കേരള ബ്ലാസ്റ്റേഴ്സിന് വേണ്ടി ഗോൾ നേടിയത്.
എന്നാൽ രണ്ടാം പകുതിയിൽ നാല് മിനുറ്റിനിടെ രണ്ട് ഗോളുകൾ നേടി റോയ് കൃഷ്ണ മത്സരം കേരള ബ്ലാസ്റ്റേഴ്സിൽ നിന്ന് തട്ടിയെടുക്കുകയായിരുന്നു.
ജയത്തോടെ ഒഡിഷ പോയിന്റ് പട്ടികയിൽ രണ്ടാം സ്ഥാനത്തെത്തി. അതെ സമയം കേരള ബ്ലാസ്റ്റേഴ്സ് പോയിന്റ് പട്ടികയിൽ മൂന്നാം സ്ഥാനത്താണ്.