ഇന്ന് ഒഡീഷയെ പരാജയപ്പെടുത്തി കേരള ബ്ലാസ്റ്റേഴ്സ് ആദ്യ വിജയം സ്വന്തമാക്കി. ഇന്നത്തെ വിജയത്തിൽ സന്തോഷം ഉണ്ട് എങ്കിലും ഇത് ആദ്യ വിജയം മാത്രമാണെന്ന് കേരള ബ്ലാസ്റ്റേഴ്സ് ഡിഫൻഡർ ഖാബ്ര ഓർമ്മിപ്പിച്ചു.
“ഞങ്ങളെ പിന്തുണയ്ക്കാൻ ദശലക്ഷക്കണക്കിന് പിന്തുണക്കാരുണ്ട്, എല്ലായ്പ്പോഴും അവരുടെ പ്രതീക്ഷകൾ നമ്മുക്ക് ഒപ് ഉണ്ട്. ഇതൊരു ആദ്യ വിജയം മാത്രമാണ്, ഞങ്ങൾ എളിമയുള്ളവരായിരിക്കണമെന്നും തല താഴ്ത്തി നിൽക്കണമെന്നും യുവതാരങ്ങളോട് താൻ അഭ്യർത്ഥിക്കുകയാണ്, ഞങ്ങൾക്ക് ഒരുപാട് ദൂരം പോകാനുണ്ട്, ”ഖബ്ര മത്സര ശേഷം പറഞ്ഞു.
“ടീം അഭിനന്ദനം അർഹിക്കുന്നു. ഞങ്ങൾക്ക് ഒരു പ്ലാൻ ഉണ്ടായിരുന്നു, ഞങ്ങൾ അതിൽ ഉറച്ചുനിന്നു. ഞങ്ങളുടെ സ്ട്രൈക്കർമാരെ ഞങ്ങൾ അഭിനന്ദിക്കുന്നു, അവർ ഗോളുകൾ കൊണ്ടുവന്നു, പക്ഷേ അവസാന നിമിഷം ഗോൾ വഴങ്ങി എന്നതിൽ ഒരു പ്രതിരോധനിരക്കാരൻ എന്ന നിലയിൽ ഞാൻ നിരാശനാണ്, ”ഖബ്ര കൂട്ടിച്ചേർത്തു.