ഇന്ന് കേരള ബ്ലാസ്റ്റേഴ്സ് കൊച്ചിയിൽ വെച്ച് എഫ് സി ഗോവയെ നേരിടുകയാണ്. ഇത് ഇരുവരും തമ്മിൽ കളിക്കുന്ന ഒമ്പതാമത്തെ പോരാട്ടം ആകും. ഇരുവരും കളിച്ചപ്പോൾ ഇതുവരെ സമനില പിറന്നിട്ടില്ല എന്നതാണ് ഇതുവരെ ഉള്ള റെക്കോർഡ്. 8 തവണ കളിച്ചപ്പോൾ മുൻതൂക്കം എഫ് സി ഗോവയ്ക്ക് ആണ് ഉള്ളത്. 5 മത്സരങ്ങളിൽ എഫ് സി ഗോവയ്ക്ക് ആയിരുന്നു വിജയം. മൂന്ന് തവണ മാത്രമെ കേരളത്തിന് വിജയം രുചിക്കാനായിട്ടുള്ളൂ.
8 മത്സരങ്ങളിൽ നിന്ന് 29 ഗോളുകളും കേരള ബ്ലാസ്റ്റേഴ്സ് vs എഫ് സി ഗോവ പോരാട്ടത്തിൽ പിറന്നിട്ടുണ്ട്. ഇതിൽ 19 ഗോളുകൾ അടിച്ചത് ഗോവയാണ്. കഴിഞ്ഞ സീസണിൽ രണ്ട് തവണ ഏറ്റുമുട്ടിയപ്പോളും ജയം എഫ് സി ഗോവയ്ക്ക് ആയിരുന്നു. അതിൽ 5-2 എന്ന സ്കോറിന് ഗോവ നേടിയ വിജയവും ഉണ്ട്. 2016-17 സീസണിൽ 2-1ന് വിജയിച്ചതാണ് കേരളത്തിന്റെ ഗോവയ്ക്ക് എതിരായ അവസാന വിജയം.
