മോഹൻ ബഗാന്റെ കാൽദൈരയെ സ്വന്തമാക്കി കേരള ബ്ലാസ്റ്റേഴ്സ്

മോഹൻ ബഗാന്റെ മധ്യനിര താരമായ ഡാരൻ കാൽദൈരയെ കൊച്ചിയിൽ എത്തിച്ച് കേരള ബ്ലാസ്റ്റേഴ്സ്. കഴിഞ്ഞ സീസണിൽ മോഹൻ ബഗാന് വേണ്ടിയാണ് താരം ബൂട്ടണിഞ്ഞത്. 31കാരനായ താരം ഇന്ത്യൻ സൂപ്പർ ലീഗിൽ പുതുമുഖമല്ല. അവസാനമായി എടികെയ്ക്ക് വേണ്ടി ഐ എസ് എല്ലിൽ കളിച്ചിരുന്നു. കഴിഞ്ഞ സീസണിൽ അധികം അവസരം കൊൽകത്തൻ ക്ലബ്ബായ മോഹൻ ബഗാനിൽ കാൽദൈരക്ക് കൂടുതൽ അവസരങ്ങൾ ലഭിച്ചിരുന്നില്ല.

കഴിഞ്ഞ സീസണിൽ ആകെ 7 മത്സരങ്ങൾ മാത്രമേ ലീഗിൽ ഡാരൻ കളിച്ചിരുന്നു. മുമ്പ് ബെംഗളൂരു എഫ് സിക്ക് വേണ്ടിയും ഐ എസ് എല്ലിൽ ഡാരൻ കളിച്ചിരുന്നു. ചെന്നൈ സിറ്റി, മുംബൈ എഫ് സി, എയർ ഇന്ത്യ, മഹീന്ദ്ര യുണൈറ്റഡ് എന്നീ ക്ലബുകൾക്കായൊക്കെ ഐലീഗും താരം കളിച്ചിട്ടുണ്ട്.