ഡിവില്ലയേഴ്സും കോഹ്‍ലിയും ഉള്‍പ്പെടെ നാല് വിക്കറ്റ്, പര്‍പ്പിള്‍ ക്യാപ് സ്വന്തമാക്കി റബാഡ

Sports Correspondent

Download the Fanport app now!
Appstore Badge
Google Play Badge 1

പവര്‍പ്ലേയുടെ അവസാനം എബി ഡി വില്ലിയേഴ്സിനെയും ഇന്നിംഗ്സിന്റെ അവസാനത്തോടെ ആക്രമിച്ച് കളിക്കുവാന്‍ തുടങ്ങിയ വിരാട് കോഹ്‍ലിയെയും പുറത്താക്കിയപ്പോള്‍ കാഗിസോ റബാഡ ബാംഗ്ലൂരിനെ വരിഞ്ഞു കെട്ടുവാന്‍ ഡല്‍ഹിയെ സഹായിക്കുകയായിരുന്നതിനൊപ്പം യൂസുവേന്ദ്ര ചഹാലിനൊപ്പം പര്‍പ്പിള്‍ ക്യാപ് പട്ടികള്‍ ഒപ്പത്തിനെത്തിയിരുന്നു. എന്നാല്‍ ശരാശരിയിലും എക്കണോമിയിലും മെച്ചപ്പെട്ട് നിന്നിരുന്ന ചഹാല്‍ തന്നെയായിരുന്നു അപ്പോളും പട്ടികയില്‍ മുന്നില്‍.

ഓവറിന്റെ ഒന്നാം പന്തില്‍ കോഹ്‍ലിയെ ശ്രേയസ്സ് അയ്യരുടെ കൈകളിലെത്തിച്ച റബാഡ മൂന്നാം പന്തില്‍ അക്ഷദീപ് നാഥിനെ മടക്കിയയച്ച് ക്യാപ് സ്വന്തം പേരിലാക്കി. അതേ ഓവറിന്റെ അവസാന പന്തില്‍ പവന്‍ നേഗിയെ കൂടി പുറത്താക്കി റബാഡ ചഹാലിനെക്കാള്‍ രണ്ട് വിക്കറ്റ് മുന്നില്‍ തന്നെ എത്തിക്കുക കൂടിയായിരുന്നു ഈ പ്രകടനത്തിലൂടെ.

ബാംഗ്ലൂരിനായി ഇന്ന് ബൗളിംഗ് പ്രകടനത്തിനിറങ്ങുന്ന ചഹാലിനു തിരിച്ച് പര്‍പ്പിള്‍ ക്യാപ് നേടുന്ന പ്രകടനം പുറത്തെടുത്താല്‍ മാത്രമേ ടീമിനെ വിജയത്തിലേക്ക് നയിക്കാനാകൂ എന്ന സ്ഥിതിയിലാണ് കാര്യങ്ങള്‍. 150 റണ്‍സാണ് ഡല്‍ഹിയ്ക്ക് ജയിക്കുവാനായി വേണ്ടത്.