വനിത ലോകകപ്പിൽ ഹാട്രിക് നേടുന്ന ആദ്യ ഫ്രഞ്ച് താരമായി മണിക്കൂറുകൾക്ക് ഉള്ളിൽ ഫ്രഞ്ച് ചാമ്പ്യന്മാർ ആയ ലിയോണിലേക്ക് കൂറുമാറി ഡിയാനി. പനാമക്ക് എതിരെ ആയിരുന്നു താരത്തിന്റെ ഹാട്രിക്. 6 വർഷം പി.എസ്.ജിക്ക് ആയി കളിച്ച താരം 2027 വരെയുള്ള കാരാറിന് ആണ് ലിയോണിൽ ചേർന്നത്.
താരത്തിന്റെ വരവ് ലിയോൺ ഔദ്യോഗികമായി പ്രഖ്യാപിച്ചു. മറ്റു ക്ലബുകളുടെ ഓഫർ നിരസിച്ചു ആണ് 28 കാരിയായ ഫ്രഞ്ച് താരം ലിയോണിൽ ചേരുന്നത്. പരിക്ക് വലച്ച കഴിഞ്ഞ സീസണിലും 17 കളികളിൽ നിന്നു 17 ഗോളുകൾ നേടിയ ഡിയാനി തന്നെ ആയിരുന്നു ഫ്രഞ്ച് ലീഗിലെ മികച്ച താരം. കൂടുതൽ കരുത്തർ ആയ ലിയോണിനു ഒപ്പം കൂടുതൽ നേട്ടങ്ങൾ ആവും ലോകകപ്പ് കഴിഞ്ഞു താരം ലക്ഷ്യം വെക്കുക.