ഇറ്റാലിയൻ ക്ലബ്ബായ നാപോളിയുടെ പ്രതിരോധതാരം കാലിദു കൗലിബലിയെ സ്വന്തമാക്കാൻ യുവന്റസ് ശ്രമം ആരംഭിച്ചു. 31കാരനായ പ്രതിരോധ താരത്തിന്റെ കരാർ അവസാനിക്കാൻ ഒരു വർഷം ബാക്കി നിൽക്കെയാണ് യുവന്റസ് താരത്തിനെ ടീമിലെത്തിക്കാൻ ശ്രമിക്കുന്നത്. 30മില്ല്യൺ യൂറോ നൽകാനാണ് യുവന്റസ് തീരുമാനിച്ചിരിക്കുന്നത്.
സെനഗൽ താരമായ കൗലിബലി 2014മുതൽ നാപോളിയിൽ ഉണ്ട്. മേജർ ലീഗ് സോക്കറിലേക്ക് പറന്ന കെയ്ലിനിക്കും ക്ലബ്ബ് വിടാൻ ഒരുങ്ങി നിൽക്കുന്ന മത്തിയാസ് ഡി ലൈറ്റിനും പകരക്കാരെ എത്തിക്കാനാണ് ഇപ്പോൾ യുവന്റസ് ശ്രമിക്കുന്നത്. അതേ സമയം യൂറോപ്പിലെ മറ്റു ടീമുകളും കൗലിബാലിക്കായി ശ്രമം തുടങ്ങിക്കഴിഞ്ഞു.