പോർച്ചുഗീസ് പരിശീലകനായ ജോർഗെ ജീസസ് വീണ്ടും സൗദി അറേബ്യയിൽ എത്തി. സൗദി അറേബ്യൻ ടീമായ അൽ-ഹിലാൽ ഒരു വർഷത്തെ കരാറിൽ ജോർജ് ജീസസിനെ വീണ്ടും പരിശീലകനായി നിയമിച്ചതായി സൗദി പ്രോ ലീഗ് ക്ലബ് ശനിയാഴ്ച സ്ഥിരീകരിച്ചു.
തുർക്കിയിലെ ഫെനർബാഷിൽ നിന്ന് ആണ് അദ്ദേഹം സൗദിയിലേക്ക് വരുന്നത്. 2018-19ൽ അൽ-ഹിലാലിനെ പരിശീലിപ്പിച്ചപ്പോൾ സൗദി സൂപ്പർ കപ്പ് വിജയത്തിലേക്ക് അദ്ദേഹം ടീമിനെ നയിച്ചിരുന്നു.
കഴിഞ്ഞ സീസണിൽ അദ്ദേഹം ഫെനർബചെക്ക് ഒപ്പം ടർക്കിഷ് കപ്പ് നേടി. തുർക്കി സൂപ്പർ ലീഗിൽ അവർ രണ്ടാം സ്ഥാനത്തും എത്തിയിരുന്നു. 2022-23 ലെ ലീഗ് സ്റ്റാൻഡിംഗിൽ അൽ-ഇത്തിഹാദിനും അൽ-നാസറിനും പിന്നിൽ മൂന്നാം സ്ഥാനത്തായിരുന്നു അൽ-ഹിലാൽ ഫിനിഷ് ചെയ്തത്.
പോർച്ചുഗൽ മിഡ്ഫീൽഡർ റൂബൻ നെവ്സിനെയും സെനഗൽ ഡിഫൻഡർ കലിഡൗ കൗലിബാലിയെയും സൈൻ ചെയ്ത് അൽ ഹിലാൽ ഇതിനകം ടീം ശക്തമാക്കിയിട്ടുണ്ട്.