ലീഡ്സില് ഇംഗ്ലണ്ട്-ഓസ്ട്രേലിയ മത്സരത്തിന്റെ ആദ്യ സെഷനില് വീണ്ടും വില്ലനായി മഴ. മത്സരത്തില് ഓസ്ട്രേലിയയ്ക്ക് ആദ്യ വിക്കറ്റ് നഷ്ടപ്പെട്ട ഉടനെയായിരുന്നു മഴയും എത്തിയത്. മാര്ക്കസ് ഹാരിസിനെ(8) ജോഫ്ര ആര്ച്ചര് ജോണി ബൈര്സ്റ്റോയുടെ കൈകളിലെത്തിച്ചതോടെയാണ് മഴ വില്ലനായി എത്തിയത്. നാലോവര് മാത്രം എറിഞ്ഞ മത്സരത്തില് 12 റണ്സാണ് ഓസ്ട്രേലിയ നേടിയിട്ടുള്ളത്.
മോശം ഫോമില് കളിയ്ക്കുന്ന കാമറൂണ് ബാന്ക്രോഫ്ടിന് പകരമാണ് ഹാരിസിന് അവസരം ലഭിച്ചത്. മികച്ച രീതിയില് താരം തുടങ്ങിയെങ്കിലും ജോഫ്രയ്ക്ക് വിക്കറ്റ് നല്കി മടങ്ങുകയായിരുന്നു.