വനിത ലോക ടി20യിലെ ആദ്യ ജയം സ്വന്തമാക്കി പാക്കിസ്ഥാന്. ആദ്യ രണ്ട് മത്സരങ്ങളിലും പരാജയമേറ്റു വാങ്ങിയ ശേഷമാണ് അയര്ലണ്ടിനെ 38 റണ്സിനു പരാജയപ്പെടുത്തി പാക്കിസ്ഥാന് വിജയ വഴിയിലേക്ക് പാക്കിസ്ഥാന് തിരികെ എത്തുന്നത്. ആദ്യം ബാറ്റ് ചെയ്ത പാക്കിസ്ഥാന് 139/6 എന്ന സ്കോര് 20 ഓവറില് നിന്ന് നേടിയപ്പോള് അയര്ലണ്ടിനു 9 വിക്കറ്റ് നഷ്ടത്തില് 101 റണ്സ് മാത്രമേ നേടാനായുള്ളു.
ജവേരിയ ഖാന് പുറത്താകാതെ നേടിയ 74 റണ്സാണ് പാക്കിസ്ഥാന് ഇന്നിംഗ്സിനെ മുന്നോട്ട് നയിച്ചത്. 52 പന്തില് നിന്നാണ് ജവേരിയയുടെ തകര്പ്പന് പ്രകടനം. അയര്ലണ്ടിനായി ലൂസി ഒറെല്ലി മൂന്ന് വിക്കറ്റ് വീഴ്ത്തി.
പാക്കിസ്ഥാനു വേണ്ടി രണ്ട് വിക്കറ്റ് വീതം വീഴ്ത്തി സന മിര്, ഐമാന് അന്വര്, നശ്ര സന്ധു, ബിസ്മ മഹ്റൂഫ് എന്നിവര് കണിശതയോടെ പന്തെറിഞ്ഞപ്പോള് അയര്ലണ്ടിന്റെ വിജയമെന്ന സ്വപ്നം തകരുകയായിരുന്നു. 30 റണ്സ് നേടിയ ഇസോബെല് ജോയ്സും 27 റണ്സ് നേടിയ ക്ലെയര് ഷില്ലിംഗ്ടണും പുറത്തായ ശേഷം അയര്ലണ്ട് നിരയില് ആര്ക്കും തന്നെ രണ്ടക്കം കടക്കാനാകാതെ പോയതും ടീമിനു തിരിച്ചടിയായി.