അണ്ടര് 19 ലോകകപ്പിൽ തകര്ന്നടിഞ്ഞ ഇംഗ്ലണ്ടിന്റെ രക്ഷയ്ക്കെത്തി എട്ടാം വിക്കറ്റ് കൂട്ടുകെട്ട്. ജെയിംസ് റൂവും ജെയിംസ് സെയില്സും ചേര്ന്ന് നേടിയ 93 റൺസാണ് 91/7 എന്ന നിലയിലേക്ക് തകര്ന്ന ഇംഗ്ലണ്ടിനെ തുണച്ചത്. ഫൈനൽ മത്സരത്തിൽ ഇന്ത്യയ്ക്കെതിരെ 189 റൺസ് ആണ് ഇംഗ്ലണ്ട് നേടിയത്.
റൂവിന്റെ ഇന്നിംഗ്സ് ഇല്ലായിരുന്നുവെങ്കില് വലിയ തകര്ച്ചയിലേക്ക് ഇംഗ്ലണ്ട് വീഴുമായിരുന്നു. ഇന്ത്യയ്ക്കായി രാജ് ബാവ അഞ്ചും രവികുമാര് 4 വിക്കറ്റും നേടി.
രണ്ടാം ഓവറിൽ തുടങ്ങിയ തകര്ച്ച 16.2 ഓവറിലെത്തിയപ്പോള് 61/6 എന്ന നിലയിലേക്ക് എത്തി. പിന്നീട് ഏഴാം വിക്കറ്റിൽ അലക്സ് ഹോര്ട്ടണുമായി(10) ചേര്ന്ന് 30 റൺസ് നേടിയ റൂവ് ഇംഗ്ലണ്ടിനെ 91 റൺസിലേക്ക് എത്തിച്ചുവെങ്കിലും ഇംഗ്ലണ്ടിന് മുന്നിൽ വലിയ കടമ്പയായിരുന്നു ഉണ്ടായിരുന്നത്. അവിടെ നിന്ന് ജെയിംസ് ദ്വയം ഇംഗ്ലണ്ടിനെ 184 റൺസിലേക്ക് എത്തിച്ചുവെങ്കിലും 95 റൺസിൽ റൂവിന് തന്റെ വിക്കറ്റ നഷ്ടമായി.
റൂവ് പുറത്തായി അധികം വൈകാതെ ഇംഗ്ലണ്ടിന്റെ ഇന്നിംഗ്സ് അവസാനിച്ചു. 44.5 ഓവറിലാണ് ഇംഗ്ലണ്ട് ഇന്നിംഗ്സിന് അവസാനമായത്. ജെയിംസ് സെയിൽസ് 34 റൺസുമായി പുറത്താകാതെ നിന്നു.