ഇംഗ്ലണ്ടിന്റെ മുന് നിര സ്പിന്നര് ജാക്ക് ലീഷിന്റെ സേവനം ആഷസിനില്ല. താരത്തിനേറ്റ സ്ട്രെസ്സ് ഫ്രാക്ച്ചര് ആണ് വിനയായി മാറിയിരിക്കുന്നത്. അയര്ലണ്ടിനെതിരെയുള്ള ഇംഗ്ലണ്ടിന്റെ മത്സരത്തിനിടെയാണ് താരത്തിന് പരിക്കിന്റെ ചെറിയ സൂചനകള് ലഭിയ്ക്കുന്നത്. പിന്നീട് സ്കാനുകളിലാണ് വ്യക്തത വന്നത്. ജാക്ക് ലീഷ് മത്സരത്തിൽ 4 വിക്കറ്റ് നേടിയിരുന്നു.
2018ൽ ടെസ്റ്റ് അരങ്ങേറ്റം കുറിച്ച ലീഷ് ഇതുവരെ 35 ടെസ്റ്റിൽ കളിച്ചിട്ടുണ്ട്. 2019ൽ ലീഡ്സിൽ ക്യാപ്റ്റന് ബെന് സ്റ്റോക്സുമൊപ്പം അവസാന വിക്കറ്റിലെ ത്രില്ലര് വിജയത്തിൽ ജാക്ക് ലീഷ് പങ്കാളിയായിരുന്നു. പൊതുവേ ഇംഗ്ലണ്ടിന്റെ ടീമിലെ ഏക സ്പിന്നര് റോള് കൈയ്യാളുന്നയാളാണ് ജാക്ക് ലീഷ്.
ഇംഗ്ലണ്ട് പകരക്കാരന് സ്പിന്നറെ പ്രഖ്യാപിച്ചിട്ടില്ല. ജൂൺ 16ന് ആണ് ആഷസ് പരമ്പര ആരംഭിയ്ക്കുന്നത്. എഡ്ജ്ബാസ്റ്റണിലാണ് ആദ്യ മത്സരം.