ഇന്ത്യൻ സൂപ്പർ ലീഗ് ആറാം സീസണിനായി തിരികെയെത്തുന്നു. ഇന്ത്യൻ ഫുട്ബോൾ ആരാധകരുടെ കാത്തിരിപ്പിനവസാനം. ഒക്ടോബർ 20 നാണ് ഇന്ത്യൻ സൂപ്പർ ലീഗ് ആരംഭിക്കുന്നത്. വൈകിട്ട് ആറ് മണിക്ക് വർണാഭമായ ചടങ്ങുകളോട് കൂടി ഐ എസ് എൽ ഓപ്പണിംഗ് സെറിമണി ആരംഭിക്കും. മലയാളികളുടെ സ്വന്തം യുവതാരം ദുൽഖർ സൽമാൻ ആയിരിക്കും ഓപ്പണിംഗ് സെറിമണിയുടെ അവതാരകൻ.
ബോളിവുഡ് സൂപ്പർ താരങ്ങളായ ടൈഗർ ഷ്രോഫും ദിഷ പഠാണിയും പെർഫോമൻസുകളുമായി ഓപ്പണിംഗ് സെറിമണിക്ക് മികവേകും. കൊച്ചിയിലെ ജവഹർലാൽ നെഹ്രു സ്റ്റേഡിയത്തിൽ എടികെ – കേരള ബ്ലാസ്റ്റേഴ്സ് പോരാട്ടത്തോടെയായിരിക്കും ഐഎസ്എല്ലിന് ഒഫീഷ്യലായി ആരംഭം കുറിക്കുക. വൈകിട്ട് 6 മണിക്ക് തന്നെ ഓപ്പണിംഗ് സെറിമണി ആരംഭിക്കും. പ്രശസ്ത ഇന്ത്യൻ ഡാൻസ് ഗ്രൂപ്പായ “കിംഗ്സിന്റെ” പ്രകടനങ്ങളും ഓപ്പണിംഗ് സെറിമണിയിൽ ഉണ്ടാകും.