ഇറ്റാലിയൻ സീരി എയിൽ വിജയവഴിയിൽ തിരിച്ചെത്തി ഇന്റർ മിലാൻ. ഇന്ന് നടന്ന മത്സരത്തിൽ അവരുടെ മൈതാനത്ത് എമ്പോളിയെ എതിരില്ലാത്ത മൂന്നു ഗോളുകൾക്ക് ആണ് ഇന്റർ തോൽപ്പിച്ചത്. ഇരട്ടഗോളുകൾ നേടിയ ബെൽജിയം താരം റോമലു ലുകാകുവും ഒരു ഗോൾ നേടിയ അർജന്റീനൻ താരം ലൗടാര മാർട്ടിനസും ആണ് ഇന്ററിന് ജയം സമ്മാനിച്ചത്. ഇന്റർ ആധിപത്യം കണ്ട മത്സരത്തിൽ എന്നാൽ എതിരാളികളുടെ പ്രതിരോധം ആദ്യ പകുതിയിൽ ഭേദിക്കാൻ ഇന്ററിന് ആയില്ല. എന്നാൽ രണ്ടാം പകുതി തുടങ്ങിയ ഉടൻ തന്നെ ഇന്റർ മത്സരത്തിൽ മുന്നിലെത്തി.
48 മത്തെ മിനിറ്റിൽ ബ്രൊസോവിച്ചിന്റെ പാസിൽ നിന്നു ലു ലുകാകു ഗോൾ നേടുക ആയിരുന്നു. ഓഗസ്റ്റിന് ശേഷം ലുകാകു ഓപ്പൺ പ്ലെയിൽ നിന്നു നേടുന്ന ആദ്യ ഗോൾ ആയിരുന്നു ഇത്. 76 മത്തെ മിനിറ്റിൽ കൗണ്ടർ അറ്റാക്കിൽ നിന്നു ഹകന്റെ പാസിൽ നിന്നു മികച്ച ഷോട്ടിലൂടെ തന്റെ രണ്ടാം കണ്ടത്തിയ ലുകാകു ഇന്റർ ജയം ഉറപ്പിച്ചു. 88 മത്തെ മിനിറ്റിൽ മറ്റൊരു കൗണ്ടർ അറ്റാക്കിൽ ലുകാകുവിന്റെ പാസിൽ നിന്നു ഗോൾ നേടിയ പകരക്കാരനായി ഇറങ്ങിയ ലൗടാര ഇന്റർ ജയം ഉറപ്പിക്കുക ആയിരുന്നു. ജയത്തോടെ ഇന്റർ എ.സി മിലാനെ മറികടന്നു അഞ്ചാം സ്ഥാനത്തേക്ക് കയറി. അതേസമയം എമ്പോളി ലീഗിൽ 15 സ്ഥാനത്ത് ആണ്.