ഇഞ്ച്വറി ടൈമിൽ ഇരട്ട ഗോളുകളുമായി ജയം, അമേരിക്കയിലെ റൂണിയുടെ പരിശീലക വേഷത്തിന് നാടകീയ തുടക്കം

മാഞ്ചസ്റ്റർ യുണൈറ്റഡ് ഇതിഹാസ താരം വെയ്ൻ റൂണി അമേരിക്കൻ ക്ലബായ ഡി സി യുണൈറ്റഡിൽ തന്റെ പരിശീലകനായുള്ള യാത്രം അരംഭിച്ചു. ഇന്ന് ലീഗിലെ ഒർലാണ്ടോ സിറ്റിയുമായുള്ള മത്സരത്തിൽ റൂണൊയുടെ ഡി സി യുണൈറ്റഡ് ഇഞ്ച്വറി ടൈം ഗോളുകളിലാണ് വിജയം സ്വന്തമാക്കിയത്‌. മത്സരത്തിന്റെ ഒമ്പതാം മിനുട്ടിൽ ഒർലാണ്ടോ ലീഡ് എടുത്തു എങ്കിലും ഡി സി യുണൈറ്റഡ് വിട്ടു കൊടുക്കാൻ തയ്യാറായിരുന്നില്ല.

90 മിനുട്ടും ഒർലാണ്ടോ മുന്നിൽ നിൽക്കുക ആയിരുന്നു എങ്കിലും 91ആം മിനുട്ടിൽ കളി മാറി. ഡർകിനിലൂടെ ഡി സി യുണൈറ്റഡ് ആദ്യം സമനില നേടി. പിന്നാലെ 94ആം മിനുട്ടിൽ ടാക്സി ഫൗണ്ടാസിലൂടെ ഡി സി യുണൈറ്റഡിന്റെ വിജയ ഗോളും. ലീഗിൽ അവസാന സ്ഥാനത്തുള്ള ഡി സി യുണൈറ്റഡിന്റെ ആറാം വിജയം മാത്രമാണിത്. മുമ്പ് ഡി സി യുണൈറ്റഡിൽ കളിക്കാരനായി തിളങ്ങിയ റൂണി ആ മികവ് പരിശീലകനായും തുടരും എന്നതിന്റെ സൂചനയാണ് ഇന്നത്തെ പ്രകടനം.