സ്പെയിനിന്റെ ഇതിഹാസ താരം അന്ദ്രീയാസ് ഇനിയെസ്റ്റ ഇനി സ്പെയിൻ കുപ്പായത്തിൽ കളിക്കില്ല. ലോകകപ്പിൽ റഷ്യയോട് തോറ്റ് പുറത്തായതിന് പിന്നാലെയാണ് താരം ദേശീയ ടീമിൽ നിന്ന് വിരമിക്കൽ പ്രഖ്യാപിച്ചത്. സ്പെയിൻ ഫുട്ബോൾ ചരിത്രത്തിലെ ഏറ്റവും വലിയ ഗോളായ 2010 ലെ ലോകകപ്പ് വിന്നിങ് ഗോൾ നേടിയ താരമാണ് ഇനിയെസ്റ്റ.
റഷ്യയോട് ഇനിയെസ്റ്റ ഈ ലോകകപ്പിലെ ആദ്യ പെനാൽറ്റി ഷൂട്ട് ഔട്ട് ഗോൾ നേടിയെങ്കിലും കൊക്കെ, ആസ്പസ് എന്നിവർ കിക്ക് മിസ് ആകിയതോടെയാണ് സ്പെയിൻ റഷ്യൻ ലോകകപ്പിൽ നിന്ന് പുറത്തായത്. ഇതോടെയാണ്34 കാരനായ ഇനിയെസ്റ്റ സ്പാനിഷ് ദേശീയ ടീമിനോട് വിട പറയാൻ തീരുമാനിച്ചത്.
സ്പെയിനിനായി 130 മത്സരങ്ങൾ കളിച്ച താരം 2010 ലോകകപ്പിന് പുറമെ 2008, 2012 യൂറോ കിരീടങ്ങളും നേടിയിട്ടുണ്ട്.
കൂടുതൽ കായിക വാർത്തകൾക്ക് : www.facebook.com/FanportOfficial
