ചൈന ഓപ്പണ് മിക്സഡ് ഡബിള്സ് വിഭാഗത്തില് വിജയിച്ച് തുടങ്ങി ഇന്ത്യന് ടീം. ഇന്ത്യയുടെ അശ്വിനി പൊന്നപ്പ-സാത്വിക്സായിരാജ് റാങ്കിറെഡ്ഢി കൂട്ടുകെട്ട് 50 മിനുട്ട് നീണ്ട കടുത്ത പോരാട്ടത്തിനൊടുവില് ഇന്തോനേഷ്യന് താരങ്ങളെ മൂന്ന് ഗെയിം പോരാട്ടത്തില് കീഴടക്കിയാണ് വിജയം കൈവരിച്ചത്. ആദ്യ ഗെയിം പൊരുതി നേടിയ ശേഷം ഇന്ത്യന് കൂട്ടുകെട്ട് രണ്ടാം ഗെയിമില് പിന്നില് പോയെങ്കിലും മികച്ച തിരിച്ചുവരവിലൂടെ മത്സരം സ്വന്തമാക്കി. ഇന്തോനേഷ്യയുടെ പ്രവീണ് ജോര്ദ്ദാന്-മെലാടി ഡെയ്വ ഒക്ടാവിയാന്റി കൂട്ടുകെട്ടിനെയാണ് ഇന്ത്യന് താരങ്ങള് കീഴടക്കിയത്.
സ്കോര്: 22-20, 17-21, 21-17.