വഡോദര: ന്യൂസിലൻഡിനെതിരായ ഒന്നാം ഏകദിനത്തിൽ ടോസ് നേടിയ ഇന്ത്യൻ നായകൻ ശുഭ്മാൻ ഗിൽ ഫീൽഡിംഗ് തിരഞ്ഞെടുത്തു. വഡോദരയിലെ കോട്ടമ്പി സ്റ്റേഡിയത്തിലെ കറുത്ത മണ്ണുള്ള പിച്ചിൽ വൈകുന്നേരം മഞ്ഞ് വീഴാൻ സാധ്യതയുള്ളതിനാൽ രണ്ടാമത് ബാറ്റ് ചെയ്യുന്നത് എളുപ്പമാകുമെന്ന വിലയിരുത്തലിലാണ് ഇന്ത്യ ബൗളിംഗ് തിരഞ്ഞെടുത്തത്.
പേസ് നിരയിൽ നിർണ്ണായക മാറ്റങ്ങളുമായാണ് ഇന്ത്യ ഇന്ന് ഇറങ്ങുന്നത്. പരിക്കിൽ നിന്ന് മുക്തനായി പ്രസീദ് കൃഷ്ണ ടീമിലേക്ക് തിരിച്ചെത്തി. ഹർഷിത് റാണയും ടീമിൽ ഇടം ലഭിച്ചു. മുഹമ്മദ് സിറാജാണ് പേസ് നിരയെ നയിക്കുന്നത്. വാഷിംഗ്ടൺ സുന്ദർ, രവീന്ദ്ര ജഡേജ, കുൽദീപ് യാദവ് എന്നീ മൂന്ന് സ്പിന്നർമാരെയും ഇന്ത്യ ഉൾപ്പെടുത്തിയിട്ടുണ്ട്.
മറുഭാഗത്ത്, ടോസ് നഷ്ടപ്പെട്ടെങ്കിലും ബാറ്റിംഗിന് അയക്കപ്പെട്ടതിൽ മൈക്കൽ ബ്രേസ്വെൽ പൂർണ്ണ തൃപ്തനാണ്. ലോകകപ്പിന് മുന്നോടിയായി ഇന്ത്യൻ സാഹചര്യങ്ങളുമായി പൊരുത്തപ്പെടാൻ ഈ പരമ്പരയെ ഒരു മികച്ച അവസരമായാണ് ന്യൂസിലൻഡ് കാണുന്നത്. പുതിയ പിച്ച് ആണെങ്കിലും 300 റൺസ് കണ്ടെത്താൻ സാധിച്ചാൽ മത്സരം ആവേശകരമാകുമെന്ന് ഉറപ്പാണ്.
ഇന്ത്യൻ പ്ലേയിംഗ് ഇലവൻ
- ശുഭ്മാൻ ഗിൽ (Capt), 2. രോഹിത് ശർമ്മ, 3. വിരാട് കോഹ്ലി, 4. ശ്രേയസ് അയ്യർ, 5. കെ.എൽ രാഹുൽ (WK), 6. വാഷിംഗ്ടൺ സുന്ദർ, 7. രവീന്ദ്ര ജഡേജ, 8. ഹർഷിത് റാണ, 9. കുൽദീപ് യാദവ്, 10. മുഹമ്മദ് സിറാജ്, 11. പ്രസീദ് കൃഷ്ണ.
ന്യൂസിലൻഡ് പ്ലേയിംഗ് ഇലവൻ
- ഡെവൺ കോൺവേ (WK), 2. ഹെൻറി നിക്കോൾസ്, 3. വിൽ യങ്, 4. ഡാരിൽ മിച്ചൽ, 5. ഗ്ലെൻ ഫിലിപ്സ്, 6. മിച്ചൽ ഹേ, 7. മൈക്കൽ ബ്രേസ്വെൽ (Capt), 8. സാക്ക് ഫോൾക്സ്, 9. ക്രിസ്റ്റ്യൻ ക്ലാർക്ക്, 10. കൈൽ ജാമിസൺ, 11. ആദിത്യ അശോക്.