നാണംകെട്ട് തോറ്റ് പുറത്തായി വിന്‍ഡീസ്, ഇന്ത്യയ്ക്ക് 125 റണ്‍സ് വിജയം

- Advertisement -

വിന്‍ഡീസിനെതിരെ 125 റണ്‍സിന്റെ ആധികാരിക വിജയം കരസ്ഥമാക്കി ഇന്ത്യ. ഇന്ന് മാഞ്ചസ്റ്ററില്‍ നടന്ന മത്സരത്തില്‍ ഇന്ത്യ ആദ്യം ബാറ്റ് ചെയ്ത് 268/7 എന്ന സ്കോര്‍ നേടിയപ്പോള്‍ മറുപടി ബാറ്റിംഗിനിറങ്ങിയ വിന്‍ഡീസ് 34.2 ഓവറില്‍ ഓള്‍ഔട്ട് ആവുകയായിരുന്നു. 143 റണ്‍സാണ് ടീം നേടിയത്. 31 റണ്‍സ് നേടിയ സുനില്‍ അംബ്രിസ് ടീമിന്റെ ടോപ് സ്കോറര്‍ ആയപ്പോള്‍ നിക്കോളസ് പൂരന്‍ 28 റണ്‍സ് നേടി.

മുഹമ്മദ് ഷമിയാണ് വിന്‍ഡീസിന് ആദ്യ രണ്ട് പ്രഹരങ്ങള്‍ ഏല്പിച്ചത്. പിന്നീട് അംബ്രിസ്-പൂരന്‍ കൂട്ടുകെട്ട് മൂന്നാം വിക്കറ്റില്‍ 56 റണ്‍സ് നേടി ടീമിനെ മുന്നോട്ട് നയിച്ചുവെങ്കിലും ഹാര്‍ദ്ദിക് പാണ്ഡ്യയും കുല്‍ദീപ് യാദവും ഇരുവരെയും പുറത്താക്കി 71/2 എന്ന നിലയില്‍ നിന്ന് വിന്‍ഡീസിനെ 80/4 എന്ന നിലയിലേക്കാക്കി. പിന്നീട് കൃത്യമായ ഇടവേളകളില്‍ വിക്കറ്റുകള്‍ വീഴ്ത്തി ഇന്ത്യന്‍ ബൗളര്‍മാര്‍ ടീമിന്റെ ആധികാരിക വിജയം ഉറപ്പാക്കുകയായിരുന്നു.

ഇന്ത്യയ്ക്ക് വേണ്ടി മുഹമ്മദ് ഷമി നാലും ജസ്പ്രീത് ബുംറ, യൂസുവേന്ദ്ര ചഹാല്‍ എന്നിവര്‍ രണ്ടും വിക്കറ്റാണ് നേടിയത്.

Advertisement