രണ്ടാം ഇന്നിംഗ്സ് 106/8 എന്ന നിലയില് ഡിക്ലയര് ചെയ്ത് ഇന്ത്യ. നാലാം ദിവസം മത്സരം ആരംഭിച്ചപ്പോള് 54/5 എന്ന നിലയിലായിരുന്ന ഇന്ത്യ ഋഷഭ് പന്ത് പുറത്തായപ്പോള് ഇന്നിംഗ്സ് ഡിക്ലയര് ചെയ്യുകയായിരുന്നു. ആറാം വിക്കറ്റില് 39 റണ്സ് നേടിയ ശേഷം മയാംഗ്-പന്ത് കൂട്ടുകെട്ടിനെ ഓസ്ട്രേലിയ തകര്ക്കുകയായിരുന്നു. 42 റണ്സ് നേടിയ മയാംഗിനെയും പാറ്റ് കമ്മിന്സ് തന്നെയാണ് പുറത്താക്കിയത്.
രവീന്ദ്ര ജഡേജയുടെ വിക്കറ്റും കമ്മിന്സ് നേടിയപ്പോള് 33 റണ്സ് നേടിയ പന്തിനെ പുറത്താക്കി ഹാസല്വുഡ് മത്സരത്തിലെ തന്റെ രണ്ടാം വിക്കറ്റ് നേടി. 399 റണ്സിന്റെ വിജയലക്ഷ്യമാണ് ഇന്ത്യ ഓസ്ട്രേലിയയ്ക്ക് മുന്നില് വിജയം സ്വന്തമാക്കുവാന് നല്കിയത്. പാറ്റ് കമ്മിന്സ് ഇന്നിംഗ്സിലെ വിക്കറ്റ് നേട്ടം ആറാക്കി മാറ്റി.