ഇന്ത്യ അടുത്ത മാസം നടക്കുന്ന ടി20 ലോകകപ്പിലെ ഫേവറിറ്റ്സ് ആണ് എന്ന് മുൻ ഇന്ത്യൻ താരം ശ്രീശാന്ത്. സ്പോർട് ടോകിനോട് സംസാരിക്കുക ആയിരുന്നു മലയാളിതാരം. ഇന്ത്യ ലോകകപ്പ് ജയിക്കാൻ ഫേവറിറ്റ്സ് ആണ് ഇന്ത്യൻ ടീമിനു വംവേണ്ടി താൻ പ്രാർത്ഥിക്കുന്നുണ്ട് എന്നും അദ്ദേഹം പറഞ്ഞു. ഏഷ്യാ കപ്പിൽ ഇന്ത്യക്ക് ഏറ്റ പരാജയം ഗുണമായി മാറും. ചില പരാജയങ്ങൾ നല്ലതാണെന്ന് അത് വലിയ വിജയങ്ങൾക്ക് കാരണം ആകും എന്നും ഇന്ത്യക്ക് ഒപ്പം ലോകകപ്പ് ജയിച്ചിട്ടുള്ള ശ്രീശാന്ത് പറഞ്ഞു.
ഓസ്ട്രേലിയ പോലുള്ള പിച്ച് വിരാട് കോഹ്ലിക്ക് നന്നായി പെർഫോം ചെയ്യാൻ ആകുന്ന സ്ഥലമാണ്. കോഹ്ലി ഫോമിലേക്ക് തിരികെ എത്തിയതും ഇന്ത്യക്ക് ഏറെ ഗുണം ചെയ്യും. ശ്രീശാന്ത് പറഞ്ഞു. ഇന്ത്യൻ ബൗളിംഗ് മികച്ചതാണെന്നും ഇന്ത്യ ആദ്യ ടി20 ലോകകപ്പ് നേടിയ സമയത്തും ഇന്ത്യൻ ബൗളിംഗ് മോശമാണെന്ന് വിമർശനം ഉണ്ടായിരുന്നു. പക്ഷെ ഇന്ത്യ എന്നും വിജയിക്കാനുള്ള മികച്ച ടീമിനെ തന്നെയാണ് ലോകകപ്പിലേക്ക് അയ്യാക്കാറുള്ളത്. ശ്രീശാന്ത് അഭിപ്രായപ്പെട്ടു.