തോമസ് കപ്പ് ഗ്രൂപ്പ് സി മത്സരത്തിൽ കാനഡയെ 5-0 എന്ന സ്കോറിന് പരാജയപ്പെടുത്തി നോക്കൗട്ട് ഘട്ടത്തിലേക്ക് യോഗ്യത നേടി ഇന്ത്യ. ശ്രീകാന്ത് കിഡബി, പ്രിയാന്‍ഷു രജാവത്, എച്ച് എസ് പ്രണോയ് എന്നിവരാണ് ഇന്ത്യയ്ക്ക് വേണ്ടി സിംഗിള്‍സ് മത്സരങ്ങളിലിറങ്ങിയത്. ലക്ഷ്യ സെന്നിന് ടീം ിന്ന് വിശ്രമം നൽകിയപ്പോള്‍ ഡബിള്‍സിൽ സാത്വിക്സായിരാജ് – ചിരാഗ് ഷെട്ടി കൂട്ടുകെട്ടും കൃഷ്ണപ്രസാദ് ഗാര്‍ഗ – വിഷ്ണുവര്‍ദ്ധന്‍ ഗൗഡ് പഞ്ചാലയും ആണ് മത്സരത്തിനിറങ്ങിയത്.
ധ്രുവ് കപില – അര്‍ജ്ജുന്‍ എംആര്‍ സഖ്യത്തിന് വിശ്രമം നൽകിയാണ് ടീം മത്സരത്തിനിറങ്ങിയത്. ആദ്യ മത്സരത്തിൽ ജര്‍മ്മനിയെ ഇതേ സ്കോറിന് ഇന്ത്യ പരാജയപ്പെടുത്തിയിരുന്നു. ഗ്രൂപ്പ് സിയിൽ ചൈനീസ് തായ്പേയുമായി ആണ് ഇന്ത്യയുടെ ഇനിയുള്ള മത്സരം.
