ഒരു മത്സരം മാത്രം അവശേഷിക്കെ വനിതകളുടെ ഹെപ്റ്റാത്തലണില് ഇന്ത്യയ്ക്ക് സ്വര്ണ്ണ മെഡല് പ്രതീക്ഷ. അല്പ സമയം മുമ്പ് നടന്ന ജാവലിന് മത്സരത്തിനു ശേഷം രണ്ടാം സ്ഥാനത്തുള്ള ചൈനീസ് താരത്തിനെക്കാള് 63 പോയിന്റിന്റെ ലീഡ് നേടിയ സ്വപ്ന ബര്മ്മന് മത്സരത്തില് ഒന്നാം സ്ഥാനത്താണ് നില്ക്കുന്നത്. തന്റെ വ്യക്തിഗത മികവായ 50.63 മീറ്റര് എറിഞ്ഞാണ് സ്വപ്ന ലീഡ് നേടിയത്.
800 മീറ്ററാണ് ഇനി ശേഷിക്കുന്ന മത്സരം. ചൈനീസ് താരത്തെക്കാള് മികച്ച സമയം സ്വന്തമായിട്ടുള്ള സ്വപ്ന അതില് ജയം നേടി ഇന്ത്യയ്ക്ക് സ്വര്ണ്ണം നേടിക്കൊടുക്കുമെന്നാണ് ഇപ്പോള് പ്രതീക്ഷിക്കപ്പെടുന്നത്. ഇന്ത്യന് സമയം വൈകുന്നേരം 6.40നാണ് ഹെപ്റ്റാത്തലണിലെ 800 മീറ്റര് മത്സരം നടക്കുക. ഇന്ത്യയുടെ പൂര്ണ്ണിമ ഹെംബ്രാം നാലാം സ്ഥാനത്താണ് നില്ക്കുന്നത്.