ഏഷ്യന് ഗെയിംസ് വനിത ക്രിക്കറ്റ് സെമിയിൽ ഇന്ത്യയുടെ ബൗളിംഗ് കരുത്ത്. ഇന്ന് ടോസ് നേടി ബാറ്റിംഗ് തിരഞ്ഞെടുത്ത ബംഗ്ലാദേശിനെ ഇന്ത്യ 51 റൺസിന് എറിഞ്ഞിടുകയായിരുന്നു. പൂജ വസ്ട്രാക്കര് നാല് വിക്കറ്റ് നേടിയാണ് ബംഗ്ലാദേശിന്റെ നടുവൊടിച്ചത്. ബംഗ്ലാദേശ് നിരയിൽ നാല് താരങ്ങളാണ് പൂജ്യത്തിന് പുറത്തായത്.
17.5 ഓവറില് ടീം ഓള്ഔട്ട് ആയപ്പോള് 12 റൺസ് നേടിയ നിഗാര് സുൽത്താനയാണ് ടീമിന്റെ ടോപ് സ്കോറര്. ഒരു ഘട്ടത്തിൽ 25/6 എന്ന നിലയിലായിരുന്ന ബംഗ്ലാദേശ് 50 റൺസ് കടക്കില്ലെന്നാണ് കരുതിയത്. നാഹിദ അക്തര് 9 റൺസുമായി പുറത്താകാതെ നിന്നു.