ലോക ടെസ്റ്റ് ചാമ്പ്യന്ഷിപ്പ് ഫൈനലിനുള്ള ഇന്ത്യയുടെ ഇലവന് പ്രഖ്യാപിച്ചു. മികച്ച ഫോമിലുള്ള മുഹമ്മദ് സിറാജിന് പകരം സീനിയര് താരവും പരിചയസമ്പത്തുമുള്ള ഇഷാന്ത് ശര്മ്മയ്ക്കാണ് ഇന്ത്യ അവസരം നല്കിയിരിക്കുന്നത്. രണ്ട് സ്പിന്നര്മാരെയാണ് ഇന്ത്യ മത്സരത്തിൽ കളിപ്പിക്കുന്നത്. രവീന്ദ്ര ജഡേജയും രവിചന്ദ്രന് അശ്വിനുമാണ് അവസാന ഇലവനിലെ സ്പിന്നര്മാര്.
പ്രതീക്ഷിച്ച പോലെ ശുഭ്മന് ഗില്ലും രോഹിത് ശര്മ്മയും ഓപ്പണര്മാരുടെ റോളിൽ എത്തുമ്പോള് മൂന്ന് മുതൽ അഞ്ച് വരെ ചേതേശ്വര് പുജാര, വിരാട് കോഹ്ലി, അജിങ്ക്യ രഹാനെ എന്നിവര് ആണ് ബാറ്റേന്തുന്നത്. വിക്കറ്റ് കീപ്പറായി ഋഷഭ് പന്താണ് കളിക്കുന്നത്.
ജസ്പ്രീത് ബുംറയും മുഹമ്മദ് ഷമിയുമാണ് ഇഷാന്തിനൊപ്പം പേസ് ബൗളിംഗ് ദൗത്യം ഏറ്റെടുക്കുക.