ഐ എഫ് എ ഷീൽഡ് പ്രീക്വാർട്ടറിൽ പീർലസിനെ മറികടന്ന് ഗോകുലം കേരള ക്വാർട്ടർ ഫൈനലിലേക്ക് മുന്നേറി. തിങ്കളാഴ്ച കൊൽക്കത്തയിൽ നടന്ന മത്സരത്തിൽ റഹീം ഒസുമാനുവിന്റെ ഇരട്ട ഗോളിന്റെ വലത്തിൽ ഗോകുലം കേരള എഫ്സി 2-1ന് ആണ് പീർലെസ് എസ്സിയെ കീഴ്പ്പെടുത്തിയത്. ഡിസംബർ 9ന് നടക്കുന്ന ക്വാർട്ടർ ഫൈനലിൽ ജികെഎഫ്സി യുണൈറ്റഡ് എസ്സിയെ നേരിടും.
15-ാം മിനിറ്റിൽ അമിത് ടുഡുവിലൂടെ മലബാറിയബ്സിനെ ഞെട്ടിച്ചു പിയർലെസിന് ലീഡ് എടുത്തിരുന്നു. ആദ്യ പകുതിയിലെ ഗോൾ തിരിച്ചടിക്കാനുഅ ഗോകുലം ശ്രമങ്ങളെ ചെറുക്കാൻ കൊൽക്കത്ത ക്ലബ്ബിന് കഴിഞ്ഞു. രണ്ടാം പകുതിയിൽ 50-ാം മിനിറ്റിൽ റഹീം ഒസുമാനുവാണ് ഗോകുലത്തിനായി സമനില ഗോൾ നേടിയത്.
ഇരുടീമുകളും വിജയ ഗോൾ നിശ്ചിത സമയത്ത് കണ്ടെത്തിയില്ല. തുടർന്ന് മത്സരം എക്സ്ട്രാ ടൈമിലേക്ക് കടന്നു. എക്സ്ട്രാ ടൈമിന്റെ പത്താം മിനിറ്റിനുള്ളിൽ ജിതിനെ ബോക്സിനുള്ളിൽ പെർലെസ് ഡിഫൻഡർ ഫൗൾ ചെയ്തതിന് റഫറി പെനാൾട്ടി വിധിച്ചു. കിക്കെടുത്ത റഹീം പിഴവുകളൊന്നും വരുത്താതെ ഗോകുലം ക്വാർട്ടറിലെത്തുമെന്ന് ഉറപ്പിച്ചു.