ടി20 ലോകകപ്പ് യഥാക്രമം നടക്കുമോ അതോ ടൂര്ണ്ണമെന്റ് മാറ്റി വയ്ക്കേണ്ടി വരുമോ എന്നതിനെ സംബന്ധിച്ചുള്ള ഐസിസിയുടെ തീരുമാനം ഇന്നുണ്ടാവും. കഴിഞ്ഞ മാസം അവസാനം ഇതിന്മേല് തീരുമാനത്തിനായി യോഗം ചേരുവാനിരുന്ന ഐസിസി അവസാന നിമിഷം ജൂണിലേക്ക് ഈ യോഗം മാറ്റുകയായിരുന്നു.
കൊറോണയുട പശ്ചാത്തലത്തില് ഓസ്ട്രേലിയയില് യാത്ര വിലക്ക് സെപ്റ്റംബര് വരെ തുടരുന്നതും ലോകത്ത് സ്ഥിതി അത്ര മെച്ചമാകാത്തതും പരിഗണിച്ച് ടൂര്ണ്ണമെന്റ് മാറ്റി വയ്ക്കുവാനുള്ള സാധ്യതയാണ് കൂടുതല്. ഇന്ന് വിര്ച്വല് ബോര്ഡ് മീറ്റിംഗുകളിലൂടെയാണ് ഐസിസി ടി20 പുരുഷ ലോകകപ്പിന്മേലും അതു പോലുള്ള മറ്റു ടൂര്ണ്ണമെന്റുകളിന്മേലുമുള്ള തീരുമാനം എടുക്കുക.