എം എൽ എസിൽ തങ്ങളുടെ വിജയകുതിപ്പ് തുടരുകയാണ് എൽ എ ഗാലക്സി. ഇന്ന് നടന്ന മത്സരത്തിൽ ഹൗസറ്റൺ ഡൈനാമോയെ ഒന്നിനെതിഫെ രണ്ടു ഗോളുകൾക്കാണ് ഗാലക്സി പരാജയപ്പെടുത്തിയത്. കളിയുടെ അവസാന മിനുട്ടിൽ പൊലെന്റ നേടിയ ഗോളാണ് ഗാലക്സിക്ക് വിജയം ഉറപ്പിച്ച് കൊടുത്തത്. ആദ്യ പകുതിയിൽ സൂപ്പർ താരം ഇബ്രാഹിമോവിച് നേടിയ ഗോളിൽ ഗാലക്സി മുന്നിൽ എത്തിയത് ആയിരുന്നു.
എന്നാൽ കളിയുടെ 53ആം മിനുട്ടിൽ എലിസിലൂടെ ഹൗസ്റ്റൺ സമനില പിടിച്ചു. പിന്നീടായിരുന്നു അവസാന നിമിഷം വിജയ ഗോൾ വന്നത്. സ്ലാട്ടാന് ഇന്നത്തെ ഗോളോടെ ലീഗിൽ ഏഴു ഗോളുകളായി. ഏഴു മത്സരങ്ങളിൽ ആറും വിജയിച്ച് ഗാലക്സി ഇപ്പോൾ ഗംഭീര ഫോമിലാണ്. 2019ൽ ഇതുവരെ ഹോം ഗ്രൗണ്ടിൽ പരാജയപ്പെട്ടിട്ടില്ല എന്ന റെക്കോർഡും ഗാലക്സി ഇന്ന് നിലനിർത്തി. 18 പോയന്റുള്ള ഗാലക്സി ഇപ്പോൾ രണ്ടാം സ്ഥാനത്താണ്.