ഹൈദരാബാദ് എഫ് സി 3-1 രാജസ്ഥാൻ യുണൈറ്റഡ്
ഡൂറണ്ട് കപ്പ് ക്വാർട്ടറിൽ രാജസ്ഥാൻ യുണൈറ്റഡിനെ തോൽപ്പിച്ച് കൊണ്ട് ഹൈദരാബാദ് സെമി ഫൈനലിലേക്ക് കടന്നു. ഹൈദരാബാദ് ആധിപത്യം പുലർത്തിയ മത്സരത്തിൽ ഒന്നിനെതിരെ മൂന്ന് ഗോളുകൾക്കായിരുന്നു ഐ എസ് എൽ ചാമ്പ്യന്മാരുടെ വിജയം. മത്സരം ആരംഭിച്ച് ആറാം മിനുട്ടിൽ തന്നെ ഒഗ്ബെചെയിലൂടെ ഹൈദരാബാദ് മുന്നിൽ എത്തി.
28ആം മിനുട്ടിൽ ഒരു പെനാൾട്ടി രാജസ്ഥാനെ കളിയിൽ തിരികെ എത്തിച്ചു. ആകാശ് മിശ്ര വഴങ്ങിയ പെനാൾട്ടി മാർട്ടിൻ ചാവേസ് ലക്ഷ്യത്തിൽ എത്തിച്ചു. സ്കോർ 1-1.
ആദ്യ പകുതിയുടെ അവസാനം ആകാശ് മിശ്രയിലൂടെ ഹൈദരാബാദ് ലീഡ് തിരികെയെടുത്തു. രണ്ടാം പകുതിയിൽ സിവേരിയോ കൂടെ ഗോൾ നേടിയതോടെ ഹൈദരാബാദ് വിജയവും സെമി ഫൈനലും ഉറപ്പിച്ചു.