ഹൈദരബാദ് എഫ് സിയുടെ യുവ ഡിഫൻഡർ ആശിഷ് റായിയെ എ ടി കെ മോഹൻ ബഗാൻ സ്വന്തമാക്കി. റൈറ്റ് ബാക്കായ ആസിഷ് മോഹൻ ബഗാനിൽ അഞ്ചു വർഷത്തെ കരാർ ഒപ്പുവെച്ചു. 23കാരനായ താരം 2019 മുതൽ ഹൈദരബാദ് എഫ് സി സീനിയർ സ്ക്വാഡിനൊപ്പം ഉണ്ട്. ഐ എസ് എല്ലിൽ ഇതുവരെ 48 മത്സരങ്ങൾ കളിച്ചു. 6 അസിസ്റ്റുകൾ ഹൈദരബാദിനായി നൽകി. അവർക്ക് ഒപ്പം ഐ എസ് എൽ കിരീടവും നേടിയാണ് ആശിഷ് ക്ലബ് വിടുന്നത്.
പൂനെ സിറ്റി അക്കാദമിയിലൂടെ വളർന്നു വന്ന താരമാണ് ആശിഷ്. രണ്ട് വർഷം ഇന്ത്യൻ ആരോസിനൊപ്പം ഐ ലീഗിലും കളിച്ചിട്ടുണ്ട്.
